Vinsælt í dag
Árbær og Norðlingaholt, Breiðholt, Grafarvogur, Grafarholt og Úlfarsárdalur, Laugardalur, Háaleiti og Bústaðir, Miðborg og Hlíðar, Kjalarnes, Vesturbær, Garðabær, Hafnarfjörður, Kópavogur, Mosfellsbær, Seltjarnarnes
Starf á vegum Reykjavíkurborgar
Frístundamiðstöðvar eru starfræktar í öllum hverfum Reykjavíkur. Frístundamiðstöðvarnar reka frístundaheimili, félagsmiðstöðvar og frístundaklúbba. Skráning í frístundaheimili og í sumarstarf frístundamiðstöðvanna fer fram á sumar.fristund.is
Hitt húsið er menningar- og upplýsingamiðstöð fyrir ungt fólk. Hitt húsið sérhæfir sig í aðstoð og ráðgjöf svo sem í atvinnumálum ungs fólks, menningu- og listum. Í Hinu Húsinu er einnig starfsemi fyrir fötluð ungmenni.
Í Reykjavík er að finna fjölbreytta afþreyingu fyrir fjölskyldur og má meðal annars nefna sundlaugar, matjurtagarða, frisbígolfvelli, boltagerði, hjólabrettagarða, göngu- og hjólaleiðir, útivistarsvæði og fleira.
Fjölskyldu- og húsdýragarðurinn er opinn alla daga ársins. Í Nauthólsvík er starfræktur á sumrin siglingaklúbburinn Siglunes fyrir 9-16 ára.
Frístundastyrkir
Markmið og tilgangur Frístundastyrkja er að öll börn og unglingar geti tekið þátt í uppbyggilegu frístundastarfi óháð efnahag eða félagslegum aðstæðum.
Frístundakort í Reykjavík
Styrkurinn er nú 50.000 krónur á barn á ári fyrir hvert barn 6-18 ára með lögheimili í Reykjavík. Ekki er um beingreiðslur til forráðamanna að ræða, heldur hafa þeir rétt til að ráðstafa tilgreindri upphæð í nafni barns síns til niðurgreiðslu á þátttöku- og æfingagjöldum. Um 200 félög á höfuðborgarsvæðinu eiga aðild að Frístundakortinu. Frístundakortinu er ráðstafað í gegn um Rafræna Reykjavík eða í gegn um skráningakerfi félaga. Nánari upplýsingar um Frístundakortið.
Frístundastyrkir í Hafnarfirði
Mánaðarlega styrkir Hafnarfjarðarbær hvern iðkanda frá 6-18 ára aldurs til lækkunar á þátttökugjöldum um kr. 3.000.- Ekki er hægt að fá þennan styrk nema einu sinni í hverjum mánuði.Við rafræna skráningu barns í starf hjá íþrótta- og tómstundafélögum geta foreldrar valið að nýta styrkinn og draga hann frá þátttökugjöldum.
Starf á vegum frjálsra félaga
Fjöldi æskulýðs- og íþróttafélaga á höfuðborgarsvæðinu halda úti viðamiklu starfi fyrir börn, unglinga og fullorðna.
Í öllum hverfum eru íþróttafélög sem bjóða upp á hefðbundnar íþróttagreinar en einnig eru mörg félög sem halda úti starfsemi sem ekki er hverfisbundin eða innan vébanda íþróttahreyfingarinnar.
Af annarri frístundastarfsemi má nefna skátastarf, tónlistarskóla, dansskóla og starfsemi æskulýðsfélaga og trú- og lífsskoðunarfélaga.