Sumarstarf félagsmiðstöðva Gufunesbæjar fyrir unglinga fædda 2004-2006

Hverfi: 
Grafarvogur
Efnisflokkur: 
Félagsmiðstöð
Tímabil: 
júní, júlí
Aldur: 
13 ára, 14 ára, 15 ára, 16 ára
Ókeypis námskeið: 

Í sumar munu félagsmiðstöðvarnar Dregyn, Fjörgyn, Sigyn og Púgyn sem tilheyra Frístundamiðstöðinni Gufunesbæ í Grafarvogi bjóða upp á opnanir á mánudags, miðvikudags- og föstudagskvöld  í júní og til 8. júlí.

Með starfsemi félagsmiðstöðva er verið mæta þörfum unglinga fyrir fjölbreytt frítímastarf og samveru með jafnöldrum. Rannsóknir sýna að þátttaka í skipulögðu frítímastarfi hefur mikið forvarnargildi og styrkir unglinga til virkari þátttöku í samfélaginu.

Starfsemi félagsmiðstöðva miðar að því að bjóða öllum unglingum valkost í frítímanum undir handleiðslu hæfra starfsmanna. Félagsmiðstöðvar eru því mikilvægur vettvangur fyrir ófélagsbundna unglinga.

Boðið verður upp á sameiginlega viðburði vítt og breitt um Grafarvoginn á mánudagskvöldum kl. 19:30-22:30 en á miðvikudagskvöldum mun verða opið í Fjörgyn, Púgyn, Dregyn og Sigyn frá kl. 19:30-22:30. Allir viðburðir verða auglýstir á facebook síðum félagsmiðstöðvanna, Instagram og á Snapchat. Á föstudagskvöldum frá kl. 20:00-22:30 verður boðið upp á sameiginlega opnun í Grafarvoginum.

Nánari upplýsingar hjá Frístundamiðstöðinni Gufunesbæ í síma 411-5600, á heimasíðunni www.gufunes.is og á www.fristund.is þegar nær dregur sumri.

 

Félagmiðstöðin Dregyn

Félagmiðstöðin Fjörgyn

Félagsmiðstöðin Púgyn

Félagsmiðstöðin Sigyn

Síðast uppfært: 
Mánudagur, 20. apríl 2020 - 15:36