Sumarsmiðja 9-12 ára | Hávaðamál - Rapptextagerð

Kött Grá Pje
Hverfi: 
Breiðholt
Efnisflokkur: 
Sköpun
Tímabil: 
júní
Aldur: 
9 ára, 10 ára, 11 ára, 12 ára
Ókeypis námskeið: 

Í rappi getur maður sagt hvað sem manni dettur í hug, nákvæmlega eins og mann langar til að segja það. Í þessari smiðju hlustum við á rapp, spjöllum dálítið um rapp, finnum okkar eigin rödd og spreytum okkur á því að semja okkar eigin rapptexta.

Fimm daga námskeið vikuna 8.-12. júní fyrir 9-12 ára í Borgarbókasafninu Gerðubergi kl. 13-15.

Kött Grá Pje er rappari og skáld, sem hefur gefið út nokkrar bækur, spilað tónlist úti um allar trissur og samið rapp lengur en hann kærir sig um að muna. Hann hefur um árabil haldið smiðjur fyrir krakka og samið með þeim sögur, ljóð og rapp. 

Ókeypis þátttaka en skráning nauðsynleg á síðu Borgarbókasafnsins.

Borgarbókasafnið býður upp á fjölbreyttar sumarsmiðjur fyrir börn og ungmenni í sumar, sjá nánar hér.  

Síðast uppfært: 
Miðvikudagur, 13. maí 2020 - 11:28