Sumarnámskeið í Hafnarborg 2021

Hverfi: 
Hafnarfjörður
Efnisflokkur: 
Leikjanámskeið, Myndlist
Tímabil: 
janúar, júní, júlí
Aldur: 
6 ára, 7 ára, 8 ára, 9 ára, 10 ára, 11 ára, 12 ára

Í sumar verður boðið upp á myndlistarnámskeið fyrir börn á aldrinum 6–12 ára í Hafnarborg. Farið verður í rannsóknarleiðangra og undirstöðuatriði myndlistar kynnt í gegnum rannsóknir á umhverfinu, sýningar í safninu og skapandi vinnu.

Unnin verða verkefni í fjölbreytta miðla – teiknað, málað og mótað – með það að markmiði að þjálfa sjónræna athygli, örva skapandi hugsun og persónulega tjáningu barnanna. Leiðbeinandi er Ólöf Bjarnadóttir.

Í boði eru þrjú 5 daga námskeið fyrir aldurshópana 6–9 ára og 10–12 ára. Ekkert námskeiðanna verður eins og því er börnum velkomið að taka þátt í fleiri en einu námskeiði.

Námskeiðið sem hefst þann 21. júní verður með tónlistar- og söngívafi.

Boðið verður upp á eftirfarandi sumarnámskeið:

14.–18. júní*- myndlist
6–9 ára: kl. 9:00–12:00
10–12 ára: kl. 13:00–16:00
*Kennsla fellur niður á Þjóðhátíðardaginn 17. júní.

21. júní–25. júní- myndlist/sönglist
6–9 ára: kl. 9:00–12:00
10–12 ára: kl. 13:00–16:00

28. júní–2. júlí - myndlist
6–9 ára: kl. 9:00–12:00
10–12 ára: kl. 13:00–16:00

Námskeiðsgjald er 14.500 krónur fyrir 5 daga námskeið og 11.600 krónur fyrir 4 daga námskeið.

  • Systkinaafsláttur: fullt gjald er greitt fyrir eitt barn en 50% afsláttur er veittur af námskeiðsgjaldi annarra systkina.
  • Vinsamlegast látið vita ef barn er með sérþarfir sem taka þarf tillit til.

Athugið að fjöldi þátttakenda í sumarnámskeiðunum er takmarkaður.

Skráning fer fram á vef Hafnarfjarðarbæjar eða beint í gegnum https://sumar.vala.is/#/login. Frekari upplýsingar um sumarnámskeiðin eru veittar í síma 585 5790 eða í gegnum netfangið hafnarborg@hafnarfjordur.is.

Síðast uppfært: 
Föstudagur, 14. maí 2021 - 8:47