Sumarfrístund fyrir 3.- 4. bekk, f. '10 og ´11

Hverfi: 
Árbær og Norðlingaholt, Grafarholt og Úlfarsárdalur
Efnisflokkur: 
Frístundaheimili, Leikjanámskeið, Sumarnámskeið
Tímabil: 
júní, júlí, ágúst
Aldur: 
8 ára, 9 ára, 10 ára

3.-4.bekkjar Sumarfrístund Töfrasels

Boðið er upp á sér Sumarfrístund fyrir 3.- 4. bekk (f. ´10 -´11) í Töfraseli í sumar. 

Foreldrum barna úr öðrum frístundaheimilum og hverfum er frjálst að skrá þau á vikurnar sem í boðið eru í Töfraseli.

Sumarfrístundin verður staðsett í Árseli, Rofabæ 30.

Það sem við vinnum með á þessu námskeiði er;

•sér dagskrá miðuð við aldur og þroska

•fleiri ferðir og fleiri áskoranir

BARNALÝÐRÆÐI – áhrif, áhugasvið og styrkleika hópsins

Við verðum með þemavikur þar sem við skoðum og vinnum með þemað hluta af dögum í hverri viku.

Leikir og hreysti 8.- 12. júní.  Spreytum okkur í alls konar íþróttum og leikjum. Tökum svo skemmtilega hreystikeppni í lok vikunnar. Farið verður í TBR, KSÍ, klifur o.fl.   Farið verður í sund og vettvangsferðir. Við óskum eftir því að börnin mæti á hjólum með því við munum hjóla milli staða ef hægt er.

Skapandi sælkeri, 15.- 9. júní.  Við munum búa okkur til góðmeti, bæði í bakstri og matargerð.  Einnig ætlum við að vera skapandi og búa til listaverk. Grímugerð, andlitsmálun, brjóstsykursgerð, samlokukeppni og kökuskreytingakeppni verður í þessari viku. Farið verður í sund og vettvangsferðir. Við óskum eftir því að börnin mæti á hjólum með því við munum hjóla milli stða ef hægt er.

Sjalalalalaaa, ævintýrin enn gerast, 22.-26. júní.  Leitum uppi ævintýri í formi ratleikja, fjársjóðsleita, útieldunar og alls konar óvæntra ævintýra. Við vonumst til að finna ævintýraþrána sem leynist í okkur öllum, skapa góðar og  skemmtilegar minningar sem og sjá og finna nýja staði. Farið verður í sund og vettvangsferð.  Við óskum eftir því að börnin mæti á hjólum með hjálma því við munum hjóla milli staða ef hægt er.

Vatn, sull og busl, 29. júní – 3. júlí.  Börnin þurfa aukaföt þessa viku!  Vatnsblöðrur, vatnsbyssur, Slip`n Slide, sápukúlufjör og fleiri skemmtilegir leikir.  Farið verður í hinar ýmsu sundlaugar,  á árabáta og heimsækjum við Ylströndina.  Við óskum eftir því að börnin mæti á hjólum með hjálma því við munum hjóla milli staða ef hægt er.

Tilraunir og vísindi, 6.- 10. júlí.  Við gerumst vísindamenn og prófum fullt af skemmtilegum tilraunum. Búum til slím, filmuboxasprengjur, sprengjum kók og margt annað skemmtilegt.  Einnig munum  við fara í sund- og skemmtiferðir.  Við óskum eftir því að börnin mæti á hjólum með hjálma þvi við munum hjóla milli staða ef hægt er.

Flandur og fjör á hjólum, 13. – 17. júlí.  Við förum á flandur á hjólunum þessa vikuna. Við ætlum að fara í hjólaferðir og heimsækja hverfin í kring og þær náttúruperlur sem eru í okkar nánasta umhverfi. Tökum tjaldið og nestið með, grillum og tálgum, skellum okkur í sund o.fl.  Við óskum eftir því að börnin mæti á hjólum með hjálma því við munum hjóla mikið í þessari viku.

Menningarvapp, 10.- 14. ágúst.  Kynnum okkur borgina okkar á nýjan og fjölbreyttan hátt. Förum í ýmiskonar ferðir svo sem menningarferð í miðbæinn, leikhús og söfn heimsótt o.fl. Farið verður í sund og vettvangsferðir.  Við óskum eftir því að börnin mæti á hjólum með hjálma því við munum hjóla milli staða ef hægt er.

Sumargrín, 19.-20. ágúst.  Lokum skemmtilegu sumri með sumargrínsvikunni. Í þessari viku verður meðal annars farið í óvissuferð einn dag og svo verður haldið karnivalhátíð síðasta daginn á námskeiðinu. Farið verður í sund og vettvangsferðir.  Við óskum eftir því að börnin mæti á hjólum með hjálma því við munum hjóla milli staða ef hægt er.

Gjaldskrá

  • 9.395 kr. fyrir fimm daga viku fyrir kl. 09:00-16:00 
    • 2.740 kr. fyrir viðbótarstund í fimm daga viku kl. 08:00-09:00 
    • 2.740 kr. fyrir viðbótarstund í fimm daga viku kl. 16:00-17:00                      
  • 7.520 kr. fyrir fjögra dagaviku kl. 09:00-16:00
    • 2.195 kr. fyrir viðbótarstund í fjögra daga viku kl. 08:00-09:00
    • 2.195 kr. fyrir viðbótarstund í fjögra daga viku kl. 16:00- 17:00             
Síðast uppfært: 
Föstudagur, 15. maí 2020 - 13:06