Skapandi sumarsöngur 6-9 · 8-11 ára

Hverfi: 
Garðabær
Efnisflokkur: 
Söngur, Sköpun, Sumarnámskeið
Tímabil: 
júní, júlí
Aldur: 
6 ára, 7 ára, 8 ára, 9 ára, 10 ára, 11 ára

Skapandi sumarsöngur er námskeið fyrir söngelska krakka sem vilja syngja sig í gegnum sumarið. Námskeiðið er hugsað líkt og leikjanámskeið með áherslu á söng, leiklist, framkomu og sjálfan sköpunarkraftinn. Hver dagur hefur sitt þema en það eru tvær klukkutíma smiðjur hvern dag. Börnin munu meðal annars læra um grundvallar söngtækni, stuðning, túlkun og munu semja saman eitt frumsamið lag. Það verður einnig farið í leiklistarleiki sem stuðla að því að börnin brjótist út úr skelinni á sviði. Stuttlega verður farið í danshreyfingar og á föstudeginum verða haldnir litlir uppskerutónleikar. Reynt verður að vera úti eins mikið og veður leyfir, en meðfram smiðjutímunum verður farið í hópeflisleiki og sungið saman.
Námskeiðið verður frá 13:00-16:00 og er skipt upp í hálftíma hópefli og samsöng þegar börnin mæta, þar á eftir er klukkutíma smiðjutími, svo nesti og útivera og að lokum annar klukkutíma smiðjutími.

Börnin eiga að koma með hollt og gott nesti fyrir kaffitímann og klædd eftir veðri. Kennt verður í einum hóp en hvert og eitt barn mun syngja eitt lag á lokatónleikunum ásamt frumsamda laginu sem hópurinn flytur saman.

Námskeiðin fara fram í hvítu útihúsunum við Hofstaðaskóla í Garðabæ.

Vika 1 · 22-.júní-26.júní (8-11 ára)

Vika 2 · 29.júní- 3. júlí (6-9 ára)

Vika 3 ·  6. júlí – 10. júlí (8-11 ára)

Síðast uppfært: 
Mánudagur, 11. maí 2020 - 11:33