Kringlumýri sumarstarf 10-12 ára (fædd 2008-2010)

Hverfi: 
Laugardalur, Háaleiti og Bústaðir
Efnisflokkur: 
Félagsmiðstöð
Tímabil: 
júní, júlí
Aldur: 
10 ára, 11 ára, 12 ára, 13 ára

Frístundamiðstöðin Kringlumýri býður upp á frístundastarf  í sumar fyrir börn sem ljúka 5. – 7. bekk nú í vor (börn fædd 2008-2010). Um er að ræða viku námskeið með áherslu á viss þemu eins og útivist, hreyfingu, vísindi, listir, ævintýri og fleira.

Nauðsynlegt er að skrá sig í hvert námskeið.

Frístundamiðstöðin Kringlumýri býður upp á frístundastarf í sumar fyrir börn sem ljúka 5. – 7. bekk í vor. Um er að ræða viku námskeið með áherslu á þemun; Forvitni og fræðslu, útivist og hreyfing, sköpun og tjáning, ferðir og óvissa, matargerð og menning.

Námskeiðin eru opin öllum óháð búsetu.

Námskeiðin fara fram í félagsmiðstöðvunum Þróttheimar, Holtavegi 11 og Tónabær, Safamýri 28.

Tímasetning námskeiðanna eru:

Mánudagar kl. 12:30-15:30

Þriðjudagar kl. 9:30-15:30

Miðvikudagar kl. 9:30-15:30

Fimmtudagar kl. 9:30-15:30

föstudagar kl. 9:30-15:30

Nauðsynlegt er að skrá sig á hvert námskeið.

Skráning hefst 11. maí kl 10:00 og fer fram á:

sumar.fristund.is

Verð á vikunámskeið:

5 daga námskeið 5121 krónur 

4 daga námskeið 4384 krónur (vegna 17. júní)

14. júní til 18. júní – Vísindavika (fjögurra daga námskeið)

Þemað í þessari viku er tækni og vísindi og unnið er markvisst að því að vekja upp forvitni og fræða. Unnið er með hópinn, lært um tækni og vísindi, ásamt því að efla félags- og samskiptafærni í gegnum leiki, ferðir og fleira.

21. júní til 25. júní – Útivistarvika

Þemað í þessari viku er íþróttir og útivist og unnið er markvisst að því prófa nýjar íþróttir, hreyfa sig ásamt því að efla félags- og samskiptafærni í gegnum leiki, ferðir og fleira.

28. júní til 2. júlí – Listavika

Þemað í þessari viku er listir og sköpun og unnið er markvisst að því að efla sköpunargleðina. Gefið er rými og tækifæri til þess að tjá sig í gegnum mismunandi tegundir lista. Allir í hópnum vinna að verkum og afurðum sem sýnd verða í lok vikunnar.

5. júlí til 9. júlí – Ævintýravika

Þemað í þessari viku eru vettvangsferðir og ratleikir. Markvisst er unnið að því að búa til ævintýri sem vekja upp óvissu og ánægju. Hópurinn fer saman í vettvangsferðir á fjölbreytta staði og í ratleiki og þannig unnið með sjálfsþekkingu og félagsfærni.

12. júlí til 16. júlí – Matreiðsluvika

Þemað í þessari viku er matur og menning. Unnið er markvisst að því að kynnast fjölbreyttri menningu í gegnum matargerð. Hópurinn vinnur að matreiðslubók sem hver og einn tekur með sér heim í lok vikunnar.

19. júlí til 23. júlí – Megavika

Þema í þessari viku er stuð og fjör og unnið er með félags- og samskiptafærni og sjálfsþekkingu. Hver dagur hefur ákveðið þema þar sem farið verður í leiki og ferðir í tengslum við það. Dæmi um þema er jóga og Among Us.

Námskeiðin fara fram í félagsmiðstöðinni Þróttheimum Holtavegi 11 og Tónabæ Safamýri 28. Námskeiðin eru 4-5 daga og tímasetningar eru á þessa leið: Mánudaga kl. 12:30-15:30, annars þriðjudaga - föstudaga kl. 09:30-15:30. Athugið mæting seinna á mánudögum. 

Staðsetning hvers námskeiðs tilgreind við skráningu og námskeiðið hefst þar alla dagana en farið er í ferðir út um hvippinn og hvappinn. Ath. að á mánudögum er námskeiðið einungis eftir hádegi og hefst kl. 12:30. Vikuverð er 5.121 kr., en fjögurra daga vika (vegna 17. júní) 4.384 kr. 

Forráðamönnum er bent á að ekki er um vistun að ræða. Mæting á námskeið er á ábyrgð forráðamanna. Einnig er mikilvægt að börn komi klædd eftir veðri, með þann útbúnað sem er tilgreindur við smiðjuna ásamt hollu nesti og vatnsbrúsa.

Skráning hefst 11. maí kl. 10 - með fyrirvara um breytingar vegna óviðráðlegra aðstæðna. 

Skráning nauðsynleg vegna takmörkunar á hópastærð.  Skilmálar á vef Reykjavíkurborgar : https://reykjavik.is/sites/default/files/greidsluskilmalar_i_sumarstarfi_sfs_2017.pdf

Athugið að ekki er hægt að nýta frístundakortið í sumarstarf á vegum SFS.

Ef forráðamenn geta ekki nýtt sér rafræna innritun geta þeir farið á frístundamiðstöðvar SFS  og fengið aðstoð við skráningu. Ekki er hægt að skrá börn í sumarstarf í gegnum síma. Starfsfólk frístundamiðstöðva og Símavers Reykjavíkurborgar (s. 411-1111) getur þó leiðbeint símleiðis ef forráðamenn eru við nettengda tölvu.

Nánari upplýsingar:

Frístundamiðstöðin Kringlumýri

Sími: 411 5400

Netföng umsjónarmanna: 

Alexia.Rut.Hannesdottir@rvkfri.is

Aegir.Freyr.Birgisson@rvkfri.is

Kolbrun.E.Jonsdottir.Scheving@rvkfri.is

 

Síðast uppfært: 
Fimmtudagur, 6. maí 2021 - 13:56