Safnanótt á Hvalasafninu

Hvalasafnið verður með sérstaka kvöldopnun í tilefni af Safnanótt! Komdu og skoðaðu glænýja ljósmyndasýningu eftir hinn þekkta náttúruljósmyndara Karim Iliya, "Risar hafsins". Í meira en áratug hefur Karim helgað sig skráningu á lífsháttum hvala og snúið aftur ár eftir ár á sömu mið til að fylgjast með hegðun þeirra, samskiptum og vitsmunalegri getu. Ljósmyndir hans veita einstaka innsýn í heiminn undir yfirborði hafsins og sýna hnúfubaka sem blíðar, tilfinningaríkar verur með ólíka persónuleika. Allt frá forvitnum kálfum til tignarlegra og sjálfsöruggra fullorðinna dýra – hver kynni eru einstök. Karim, sem nú býr á Íslandi, hefur hlotið alþjóðlega viðurkenningu fyrir verk sín, meðal annars hjá National Geographic, og býður gestum að upplifa stutt en áhrifamikið augnablik í lífi þessara ótrúlegu dýra. Kíktu einnig í bíósalinn þar sem sýnd verður stutt heimildarmyndin "Leynilíf hvalfalls" (e. The Secret Life of Whale Falls). Hefurðu einhvern tíma velt því fyrir þér hvað verður um hvali þegar lífi þeirra á hafi lýkur? Þegar hvalur deyr og sekkur hægt niður á hafsbotninn hefst ótrúleg ný saga: gríðarstór líkami hans verður dýrmæt næringargjöf í myrkri djúpanna og skapar tímabundna lífsoasu á annars lítt lífvænlegum hafsbotni. Myndin er um 12 mínútur að lengd og verður endursýnd allt kvöldið. Gestum býðst einnig að búa til sinn eigin origami-hval í föndurhorninu okkar. Kaffihúsið verður opið allt kvöldið. Ókeypis aðgangur frá 18:00-23:00!