Rokkbúðir 13-16 ára

Dagsetningar: 10.-13. júní 2025 frá 10:00-17:00 Staðsetning: Tónskóli Sigursveins, Hraunberg 2, 111 Reykjavík Athugið að búðirnar eru núna 4 dagar fyrir 13-16 ára. Fyrir hverja? Rokkbúðirnar eru fyrir stelpur, trans stráka, stálp og intersex krakka á aldrinum 13-16 ára. Engin þörf er á fyrri tónlistarþekkingu! Hvað er í boði? Krakkarnir fá hljóðfærakennslu, fara á hljómsveitaæfingar, sækja vinnusmiðjur í textasmíði, rokksögu og fleiru og spila á lokatónleikum. Sjálfboðaliðar samtakanna halda utan um hópinn, kenna á hljóðfærin og fara í leiki. Einnig fáum við heimsóknir frá ýmsum skemmtilegum sérfræðingum sem fræða okkur um hin og þessi félagslegu málefni. Við notum valdeflandi aðferðir í kennslunni og reynum að búa til öruggt og þægilegt rými fyrir þátttakendur. Aðstaða og aðgengi Tónskóli Sigursveins í Hraunbergi er á tveimur hæðum og stærsti hluti starfsins fer fram á fyrstu hæð. Ekki er lyfta í húsinu, aðeins tröppur. Við biðjum þátttakendur með hreyfihömlun um að láta vita í skráningarformi svo við getum hagað dagskrá viðkomandi þannig að hún sé bara á fyrstu hæð. Nesti Krakkarnir fá daglega hressingu í kaffitímanum en þurfa að koma með nesti með sér í hádegismat. Hvað kostar? Verðið er valfrjálst en hægt er að miða við viðmiðunarþátttökugjald. 13-16 ára: 35.000 kr. Engum þátttakenda verður vísað frá sökum fjárskorts, frí og niðurgreidd pláss eru í boði. Verkefnið er rekið af hugsjón í sjálfboðastarfi og því eru öll frjáls framlög umfram lágmarksgjaldið vel þegin. Sú upphæð sem valin er hefur engin áhrif á möguleika þátttakanda að komast að á námskeiðinu, einungis er valið inn eftir þeim skráningum sem fyrstar berast. Vinsamlegast leggið inn á reikning samtakanna: 301-26-700112 Kt: 700112-0710 Vinsamlega setjið fullt nafn þátttakanda í skýringu með greiðslu. SKRÁNING: Skráning í 13-16 ára búðirnar: https://forms.gle/4Y5y76pHwqeZ2dmi8 Starfsemi Læti! er styrkt af Reykjavíkurborg.