Tennis- og badmintonfélag Reykjavíkur

Heimilisfang: 
Gnoðarvogur 1
104 Reykjavík
Sími: 
581 2266
Netfang: 
tbr@tbr.is

Sumarskóli TBR hefur verið starfræktur í um 35 ár. Þetta er alhliða íþróttaskóli og eru fjölmargar íþróttagreinar á dagskrá. Badmintoníþróttin skipar þó veglegan sess, enda er hún aðalíþrótt TBR. Við starfrækjum íþróttaskóla fyrir 6–13 ára börn í sumar. Skipt er í hópa eftir aldri.

Á námskeiðinu er stefnt að því að kynna nemendum helstu grunnatriði badmintoníþróttarinnar, s.s. grip, uppgjöf og háhögg. Kennslan fer bæði fram á leikjaformi og í formi tækniæfinga og skiptist erfiðleikastig þeirra eftir aldri og getustigi þátttakenda. Einnig kynnast nemendur helstu leikreglum.

Við leggjum mikla áherslu á að námskeiðið sé fjölbreytt, ánægjulegt og skemmtilegt og við nýtum okkar frábæra staðsetningu í Laugardalnum. Einnig spennandi lóð umhverfis TBR húsið.  Áhersla er lögð á fjöruga leiki og þroskandi og erum mikið útivið ef veður leyfir.

Á hverju námskeiði er m.a. farið í Fjölskyldu- og húsdýragarðinn, í sund í Laugardalslaug.  Í lok hvers námskeiðs er pylsupartí, leikið í hoppukastala og fleira skemmtilegt gert.

Boðið verður upp á bæði heils- og hálfsdagsvistun, frá kl. 9–13 og 9–16. Möguleiki er á gæslu frá kl. 8–9 og frá kl. 16–17. Þá er boðið upp á léttan hádegisverð fyrir þau börn sem eru í heilsdagsvistun. Þau sem þurfa sérstakt fæði verða að koma með slíkt.  Reiknað er með að börnin séu "sjálfbjarga" á salernum.

Þjálfarar eru m.a. Atli Jóhannesson íþróttafræðingur, Árni Þór Hallgrímsson badmintonþjálfari, Jóhann Kjartansson badmintonþjálfari, o.fl. Öll börn í Sumarskólanum fá jafna viðurkenningu fyrir þátttöku og verðlaunapening eins og stefna ÍSÍ í þjálfun barna og unglinga segir til um.

Skráning á sumarnámskeiðin hefst 10. maí í síma 581-2266

  • Námskeið 1-  14. júní–25. júní      ** 9 daga námskeið
  • Námskeið 2- 28. júní–09. júlí         ** 10 daga námskeið
  • Námskeið 3- 3. ágúst–13. ágúst    ** 9 daga námskeið
  • Upplýsingar og innritun eftir 10. maí í síma 581 2266.

 

  • Verð er 14.200  kr. fyrir   9 daga námskeið kl. 9–13 og 25.400 kr. fyrir námskeið kl. 9–16.
  • Verð er 15.700 kr. fyrir 10 daga námskeið kl. 9–13 og 28.200 kr. fyrir námskeið kl. 9–16.

Nánari upplýsingar:

www.tbr.is

tbr@tbr.is

S: 581-2266

 

 

Staðsetning á korti: