DanceCenter Reykjavík

Heimilisfang: 
Síðumúli 15, 3.hæð
Reykjavík
Sími: 
777 3658
Netfang: 
kristalhofid@gmail.com

DanceCenter Reykjavík í KristalHofinu!

SUMARIÐ ER TÍMINN! Nánar á dancecenter.is og kristalhofid.is

Fjöllistanámskeið: Leikræn tjáning - söngtækni - Dans - Jóga - Myndlist & útivera!
Við byrjum 8. júní – skráning er hafin! Takmarkaður fjöldi! Sýning í lok hvers námskeiðs! Vönduð námskeið haldin í notalegu umhverfi KristalHofsins, Síðumúla 15, 3. hæð. Aldur frá 7 ára til 13 ára. Fjöldi takmarkaður og 2 kennarar ásamt aðstoðarkennurum á hverju námskeiði. 

8. - 12. júní:  9-10 ára og 11-13 ára
15.-20. júní:  9-10 ára og 11-13 ára
22.-26. júní:  9-10 ára og 11-13 ára
06. -10. júlí: 7-8 ára og 9-10 ára
13 -17. júlí: 7-8 ára og 9-10 ára
4. - 8. ágúst: 7-8 ára 
10-14. ágúst: 7-8 ára og 11-13 ára
17.-21.ágúst: 9-10 ára og 11-13 ára

Námskeiðin eru 1 vikna og kennd fyrir hádegi 8.30-12.00 og eftir hádegi 13.00-16.30. Verð: 25.990 kr.

FjölListanámskeið KristalHofsins eru prýdd fagfólki með áralanga reynslu í barna- og æskulýðsstarfi og kennslu. Unnið til fjölda verðlauna í danskeppnum heima og erlendis, með reynslu úr leikhúsheiminum, afþreyingar- og heilsugeiranum. Nanna Ósk Jónsdóttir, eigandi DanceCenter Reykjavík í KristalHofinu, danskennari og danshöfundur. Jóhanna Karlsdóttir, jógakennari, Andrea Lapas, danskennari og danshöfundur og Maja Meixin Aceto, dansari, söngkona og píónisti.

Öll skráning fer fram á dancecenter.felog.is. Nánari upplýsingar er hægt að nálgast hjá Nönnu Ósk GSM: 777 3658.

Nánar um kennara:

Nanna Ósk fæddist með dansinn og frumkvöðlaeðlið í blóðinu og á unglingsárum vakti hún mikla athygli þegar hún gerði sér lítið fyrir og vann bæði Íslandsmeistaratitilinn í einstaklings- og hópadansi í Freestyle keppnum Tónabæjar sem haldin var á vegum ÍTR. Í Verzló var hún einnig fyrirferðamikil í nemendamótunum sem ávalt hafa verið glæsileg og í fyrsta skipti í sögu skólans, voru nemendur ráðnir sem danshöfundar. Jesus Christ Superstar hlaut lof helstu listagagnrýnenda landsins. Hún býr að því að vera með áralanga reynslu af danskennslu, æskulýðs- & barnastarfi og beitt sér ötulega á því sviði. Hún hefur komið víða við sem danshöfundur, dansari, leikið og sungið í sjónvarpi og leikhúsi m.a. Rocky Horror í leikstjórn Baltasars Kormáks, kvikmyndunum Maður eins og ég og Strákarnir okkar í leikstjórn Róbert Douglas. Þar tók hún lag Björgvins Halldórssonar “Þó líði ár og öld” og hvorki fyrr né síðar hefur kvennmaður tekið það lag og það að erlendum uppruna. Nanna kom öllum að óvörum, þar á meðal henni sjálfri þegar hún keppti fyrir Íslands hönd með hópnum Two Tricky með laginu, Angel eða Birta eftir Einar Bárðason í Eurovision. Árið 2007 stofnaði hún DanceCenter RVK á meðgöngu dóttur sinnar og hafa þær mæðgur fylgst að í danslistinni sem hafa átt hug þeirra allan. Fyrir ári síðan útvíkkaði hún starfssemina árið 2017 og er dansskólinn staðsettur í KristalHofinu sem einbeitir sér að öllu sem heilar sál og líkama.

Jóhanna Karlsdóttir lærði að kenna jóga eða nánar tiltekið hot jóga í október árið 2008 hjá Absolute Yoga Academy í Koh Samui, Tælandi og lauk 200 tíma réttindunum viðurkenndum af alþóðlegu jógasamtökunum: Yoga Alliance. Árið 2010 bætti hún við sig og hefur núna 500 tíma kennsluþjálfun frá sömu aðilum. Hún hefur kennt Hot Yoga á Íslandi frá janúar 2009 í fullu starfi. Hún sækir reglulega frekari menntun í yogafræðum erlendis, hefur meðal annars sótt seminar hjá Bikram Choudhury í Barcelona 2010 og sótti síðast einu stærstu jóga ráðstefnu á alþjóðlegum mælikvarða í Rishikesh, Indlandi og var fulltrúi Íslands þar.  Hún hefur mikla ástríðu fyrir faginu og gerir sitt allra besta til þess að miðla þekkingu sinni á sem fagmannlegastan máta til iðkenda.  Megináhersla hennar er að nemendur fái réttar leiðbeiningar og fái upplýsingar um allar útfærslur á æfingunum sem gætu hentað þeim þannig að árangur náist sem bestur.  Jóga er fyrir alla á öllum aldri og af öllum líkamstegundum. Algengasti misskilningur fólks sem ekki þekkir betur er sá að jóga henti betur þeim sem eru liðugir. Jóga hjálpar einmitt þeim sem ekki eru liðugir að liðkast en liðleiki er svo lítill þáttur af jógaiðkuninni sem heild. Jóga er sameining hugar og líkama. Jógaiðkun styrkir okkur líkamlega og andlega. Við náum að styrkja djúpvöðva sem liggja sem næst beinum og liðamótum með aðaláherslu á hrygginn. Við náum einnig að hugleiða og sameina hug og líkama með því að stjórna önduninni í öllum æfingunum. Jóga er frábær iðkun til þess að halda sér í formi líkamlega og andlega og að láta sér líða vel.

Maja Meixin er einstaklega fjölhæf og hefur verið í ýmsum listum frá blautu barnsbeini. Maja kom fram í Blá Hnettinum í Borgarleikhúsinu, Ronju Ræningjadóttir í Þjóðleikhúsinu og We Will Rock You í Háskólabíói. Hún hefur æft söng og er að hefja nám í sönglist hjá FÍH/MÍT og spilar einnig á píanó. Hún keppti með hóp Chantelle Carey og komst áfram með ballett sóló í frjálsum stíl í Dance World Cup. Hún hefur klárað 6 stig hjá JSB og er að æfa stepp og jazz fyrir próf á 3. stigi samkvæmt breskum stöðlum. Hún hefur tekið fjöldan allan af námskeiðum, æft stepp, jazz og söngleikjadans hjá Chantelle Carey og lyrical og ballett hjá Dilly Greasley. Stundað Commercial Jazz og Hip Hop hjá DanceCenter Reykjavík og verið fengin í módelstörf fyrir m.a. markaðsherferð Kringlunnar fyrir fermingar svo eitthvað sé nefnt af hennar fjölmörgu afrekum.

Andrea Lapas hefur æft jazzballet og ballet frá unga aldri og steig sín fyrstu skref á atvinnuleiksviði í söngleiknum Billy Elliot í Borgarleikhúsinu, þar sem hún lék eina af balletstelpunum. Andrea tók síðan þátt í uppsetningu Borgarleikhússins á Bláa hnettinum 2016-2018, þar sem hún lék hlutverk eins barnanna á hnettinum. Nú síðast lék Andrea í söngleiknum Matthildi í Borgarleikhúsinu en sá söngleikur kláraðist í febrúar sl. Andrea hefur einnig tekið þátt í fleiri verkum eins og auglýsingum og sjónvarpsþáttum, hún kom m.a. fram í þáttunum um Latabæ og stuttmyndinni Stattu með þér. Síðasta sumar keppti Andrea á Dance World Cup í Portúgal fyrir hönd Chantelle Carey school of performing arts. Dans er helsta áhugamál Andreu og síðustu ár hefur hún sótt fjölda námskeiða í mismunandi dansstílum.

Dansskólinn DanceCenter Reykjavík var stofnaður á meðgöngu árið 2007 og fagnar því 12 ára afmæli líkt og dóttirin sem hefur dansað sig í gegnum lífið. DanceCenter RVK er fyrir alla, sem eiga það sameiginlegt að hafa „ástríðu” fyrir dansi, bæði byrjendur og þá sem lengra eru komnir. Með dansafli er vísað til jákvæðra áhrifa sem dansinn hefur á líkama og sál og þeirri gleði sem hann gefur þeim, sem hann stundar. Slagorð DanceCenter Reykjavík vísar til þessara áhrifa. “Upplifðu DansGleðina!” 

Dansskólinn einbeitir sér að því að bjóða nemendum vandaða danskennslu þar sem einstaklingurinn og DansGleðin er í fyrirrúmi. Innan raða skólans eru kennarar sem hafa fjölbreyttan bakgrunn og fengið þjálfun heima og erlendis. Þá hafa kennarar einnig farið í gegnum þjálfunarprógramm skólans í kennsluaðferðum, eru þaulreyndir dansarar, danshöfundar og margir hverjir unnið til fjölda verðlauna í danskeppnum. Bakgrunnur kennara er því frá æskulýðsrótinni.

DanceCenter Reykjavík býður reglulega upp á Danshátíðir - Dansfestivöl í fremsta flokki. Kennarar á hátíðunum eru meðal virtustu danshöfunda og hafa samið fyrir stærstu nöfnin í afþreyingargeiranum í Bandaríkjunum. Þeir eiga það sameiginlegt að hafa ástríðu fyrir útbreiðslu dansins í heiminum og hafa tileinkað sér að ná fram því  besta úr nemendum sínum. hjá DanceCenter fá nemendur því tækifæri til að læra af þeim sem skara fram úr á sínu sviði í heiminum! Reglulegir gestakennarar skólans hafa verið danshöfundar, dómarar, vinningshafar og dansarar úr So You Think You Can Dance?

Markmið DanceCenter RVK með komu erlendra kennara hefur ávalt verið að styðja við rætur dansmenningar, forvarna og æskulýðsstarfs með því að fá virtustu danshöfunda í heiminum til landsins, brjóta niður múra milli dansstíla og borin er virðing fyrir öllum dansstílum og stuðlað að nýjungum í greininni.

 

DanceCenter Reykjavík er staðsett í KristalHofinu.

KristalHofið er einnig til útleigu fyrir aðra sjálfstæða aðila sem hafa áhuga á að vera með námskeið í listum og heilsutengdri starfsemi eins og dansi, yoga, leiklist, söng, almennri líkamsrækt oflr. Sjá nánar: www.kristalhofid.is

Þá er aðstaðan einnig leigð út fyrir hverskonar boð eins og barnaafmæli, gæsun/steggjun oflr.

Viðburðaþjónusta DanceCenter RVK getur séð um alla skipulagningu eftir óskum!

Sjá nánar á Facebook: VIÐBURÐIR-EVENTS-DanceCenter RVK í KristalHofinu

KENNSLUSTAÐUR:

NÝR STAÐUR Í HJARTA REYKJAVÍKUR - Í GLÆSILEGRI AÐSTÖÐU VIÐ LAUGARDALINN!

DanceCenter Reykjavík - KristalHofið, Síðumúli 15, 108 Reykjavík, 3. hæð með útsýni

 

Staðsetning á korti: