CrossFit sport

Heimilisfang: 
Dalsmári 9-11
201 Kópavogur
Sími: 
564 4050
Netfang: 
alma@sporthusid.is

Heimkynni CrossFit Sport eru í húsakynnum Sporthússins í Kópavogi. Umhverfið er eins og best verður á kosið og aðstæður hreint frábærar jafnt innan dyra sem utan. Góðar hlaupaleiðir eru í næsta nágrenni og úti erum við einnig með upphífuslár. Æfingar eru sérstaklega skemmtilegar á sumrin því þá erum við mikið úti við, enda gengur þá svæðið okkar jafnan undir nafninu Costa del CrossFit Sport.

KRAKKAÞJÁLFUN

Áhersla er lögð á gæði æfinga, að gera börnin meðvituð um líkamlega getu sína og hvernig hægt er að bæta hana með markvissum æfingum. Tækniæfingar verða kenndar með léttum prikum. Byrjað að kenna hreyfimynstur fyrir flóknari lyftingaæfingar. Styrktaræfingar verða fyrst og fremst líkamsæfingar, en þau börn sem hafa til þess líkamlega burði og hafa náð góðum tökum á líkamsbeitingu og tækni fá að gera mjög einfaldar æfingar með mjög léttum ketilbjöllum/handlóðum/boltum.

Rík áhersla verður á að kenna börnunum að beita líkamanum rétt, og að gera allar æfingarnar vel og örugglega. Þau börn sem vanda sig vel við framkvæmd æfinga verður umbunað með erfiðari og meira krefjandi æfingum.

STYRKTARÞJÁLFUN UNGLINGA

Í unglingaþjálfun CrossFit leggjum við ríka áherslu á að kenna rétta líkamsbeitingu, styrkja kjarnavöðva og viðhalda eðlilegum liðleika í gegnum hraðvaxtarskeið, til þess að unglingurinn hafi alla burði til þess að leggja stund á hefðbundnar styrktaræfingar þegar hann hefur þroska til.
Við gerum okkur fulla grein fyrir því að unglingsárin eru viðkvæmt þroskaskeið þar sem í langflestum tilfellum er óviðeigandi að vinna með miklar utanaðkomandi þyngdir.

Við ætlum okkur að skapa jákvætt, uppbyggilegt, skemmtilegt en jafnframt kröfuhart umhverfi þar sem börnin og unglingarnir munu læra um og ástunda heilbrigða lifnaðarhætti. Þau fá að reyna það á sjálfum sér hvernig ástundun, vinna og agi skilar árangri á ýmsum sviðum líkamlegs og andlegs atgervis.

Staðsetning á korti: 

Námskeið á vegum félags

Árbær og Norðlingaholt, Breiðholt, Garðabær, Hafnarfjörður, Kópavogur