Sumarsmiðjur fyrir 10 - 12 ára

Hverfi: 
Breiðholt
Efnisflokkur: 
Félagsmiðstöð, Leikjanámskeið, Sumarnámskeið, Æskulýðsstarf
Tímabil: 
júlí 2019, júní 2019
Aldur: 
10 ára, 11 ára, 12 ára, 13 ára

Sumarsmiðjur fyrir börn f. '08-'06

Sumarsmiðjur Tíu12, fyrir börn sem ljúka 5. – 7. bekk nú í vor, verða í félagsmiðstöðvum Miðbergs í sex vikur í sumar. Hægt verður að velja milli skemmtilegra smiðja sem ætti að henta öllum sem standa yfir í hálfan eða heilan dag. Skrá þarf á hverja smiðju fyrir sig.

Mikill fjölbreytileiki er í dagskránni og því ættu öll börn á þessum aldri að geta fundið eitthvað við sitt hæfi. Tímabil starfsins er frá 11. júní til 19. júlí. Smiðjurnar fara fram í félagsmiðstöðvunum í hverfinu ásamt því sem farið er í ferðir um Reykjavík og nágrenni.  Alltaf er boðið uppá smiðjur í tveimur félagsmiðstöðvum af þremur sem eru í hverfinu en að sjálfsögðu má skrá sig í allar smiðjur en athugið að það þarf að mæta í þá félagsmiðstöð sem barnið er skráð í.

Forráðamönnum er bent á að ekki er um vistun að ræða. Mæting í smiðjur og á viðburði er á ábyrgð forráðamanna. Einnig er mikilvægt að börn komi klædd eftir veðri, með þann útbúnað sem er tilgreindur við smiðjuna ásamt hollu nesti og vatnsbrúsa.

Skráning er í allar smiðjur vegna takmörkunar á hópastærð.
Athugið að ekki er hægt að nýta frístundakortið í sumarstarf á vegum SFS.

Skráning hefst í sumarsmiðjurnar 15. maí, 2019 kl. 10.00 á  sumar.fristund.is.

Dagskráin kemur hér inn fljótlega

Vinsamlega athugið að ef hætta á við þátttöku í námskeiði þarf að tilkynna það skriflega til viðkomandi frístundamiðstöðvar að minnsta kosti viku áður en námskeið/smiðja hefst (t.d. fyrir miðnætti á sunnudegi þegar námskeið/smiðja hefst á mánudegi viku seinna). Ella verður námskeiðsgjald innheimt að fullu.

 

 

 

Síðast uppfært: 
Fimmtudagur, 4. apríl 2019 - 16:04