Sumarfrístund með íþróttanámskeiði fyrir börn fædd 2009-2011

Gufunesbær
Hverfi: 
Grafarvogur
Efnisflokkur: 
Fimleikar, Fótbolti, Sumarnámskeið
Tímabil: 
júní 2018, ágúst 2018
Aldur: 
6 ára, 7 ára, 8 ára

Í sumar verður samstarf á milli Gufunesbæjar og Fjölnis þar sem börnum úr 1. til 3. bekk, fædd 2009 – 2011, býðst að vera á íþróttanámskeiði á móti sumarfrístund frá kl. 8:30 – 16:30 eða samtals í 8 klukkustundir. Samstarfið er á milli sumarfrístundar sem staðsett verður í Egilshöll og fimleika/fótbolta í Egilshöll  Hádegismatur er innifalinn í grunngjaldi.

Hægt er að kaupa viðbótarstund frá kl. 08:00 – 08:30 og frá kl. 16.30 - 17:00.

Í sumarfrístund er lögð áhersla á frjálsan leik, skapandi starf, þemaverkefni, útiveru og styttri ferðir. Lögð verður áhersla á að virkja börnin við ákvarðanatöku um hina ýmsu þætti starfsins. Á íþróttanámskeiðunum er lögð áhersla á æfingar og skemmtilega hreyfingu. Starfsfólk í sumarfrístund hefur reynslu af starfi í frístundaheimilum og á íþróttanámskeiðunum verða þjálfarar sem starfað hafa hjá deildunum og unnið mikið með börnum. 

Sumarfrístund með íþróttanámskeiði verður frá  11. til 29. júní og svo aftur frá 7. til 17.ágúst

Grunngjaldið miðast við tímann milli kl. 8:30 og 16:30, en greitt er fyrir hálfa viðbótarstund þess utan.

Grunngjald fyrir eina viku í sumarfrístund og íþróttanámskeiði með hádegismat er kr. 15.050. Verð fyrir viðbótarstund frá kl. 8.00-8.30 að morgni eða kl.16.30-17.00 kr. 1.300 á viku. Veittur er 20% systkinaafsláttur.

Skráning hefst 25. apríl: http://sumar.fristund.is

Síðast uppfært: 
Miðvikudagur, 18. apríl 2018 - 13:04