Sumarbúðir Söguheima

Hverfi: 
Kópavogur
Félag: 
Efnisflokkur: 
Sumarbúðir, Sumarnámskeið, Útivist, Æskulýðsstarf
Tímabil: 
júní 2018, júlí 2018
Aldur: 
8 ára, 9 ára, 10 ára, 11 ára, 12 ára, 13 ára

SUMARBÚÐIR SÖGUHEIMA - komdu með og upplifðu ævintýri !

Sumarbúðir fyrir börn á aldrinum 8 til 13 ára.

 

Sumarbúðirnar eru haldnar í græna dalnum við Waldorfskólann í Lækjarbotnum. Í sumarbúðum Söguheima er farið inní eina sögu hverja viku. Í þessum fallega dal ætlum við að reisa tjöldin okkar og kveikja varðelda undir gullnu þaki heimsins. Við munum horfa á eftir miðnætursólinni, sofa í tjöldunum og sitja við eldinn. Í ár ætlum við að upplifa söguna um Bræðurna Ljónshjarta eftir Astrid Lindgren.

Við fylgjum eftir þeim bræðrum Snúði og Jónatan Ljónshjarta í Nagijala þar sem að maður veiðir og syndir í ánni, þar sem að  söngvar hljóma við varðeldinn á kvöldin og þar sem að hver dagur er ævintýri einsog í riddarasögu.

Þar gerast þó líka hlutir sem ættu ekki að vera til í neinu ævintýri, því að við munum þurfa að berjast við hinn vonda Þengil sem stjórnar öllu af ógn og valdi með ógurlega drekann Kötlu sér við hlið og hann hefur lagt undir sig Þyrnirósadal. Mun okkur takast að sigrast á Þengli og Kötlu frelsa Íbúa Þyrnirósadals?

Á daginn munum við hlaupa um, klappa hestunum okkar, fara hitta hana Soffíu dúfnadrotningu og hjálpa Jónatan og Kalla í bardaganum við Þengil, hver veit nema að við munum sjá orminn í Karmafljóti? Við munum þurfa að laumast framhjá vörðum, finna leyndar leiðir inní drekahella og fara með leyniskilaboð. Ásamt þessu er örugglega líka í boði að æfa sirkus og dans, læra að tálga, skjóta af boga, mála úti með vatnslitum, teikna og segja sögur. Við ætlum að elda sem mest úti á hlóðum undir berum himni og gera ljúffengan mat. Á kvöldin eru varðeldar og sagan mun lifna við fyrir augum okkar og skapa sögusviðið fyrir næsta dag. Við munum þurfa að reyna á hugrekki okkar og þor í að leysa þrautir og hjálpa Snúði og Jónatann í sinni hættuför að frelsa Nangijala frá Þengli. Við munum þurfa að vera hugrökk, sýna vináttu og þrautseigju til að fylgja hjartanu í þeirri vissu að hið góða mun alltaf sigra að lokum.

Lækjarbotnar er ákjósanlegur staður fyrir slíkar hugmyndir og þar er aðstaða þar sem hægt er að tjalda við hliðina á skógi og rennandi læk, kveikja eld og elda á hlóðum og hlaupa út um hvippinn og hvappinn upp á fjallstind, tína í sig ber og grænmeti og fela sig í gjótum í hrauninu.

Við ætlum að leika okkur í söguheimi sögunar fá að upplifa hana heyra og reyna.Tileinkum okkur boðskap hennar og vinnum með hana á ýmsan hátt. Lærum að vera úti í náttúrunni, umgangast náttúruöflin vind, vatn, eld og jörð.

 

 

Bróðir minn Ljónshjarta. 26. júní - 1. júlí (6 dagar) fyrir 8 - 13 ára.

Námskeiðsgjald er 34.000  kr. Systkinaafsláttur er 20%.

Hámarksfjöldi er 30 börn

 

Skráningar hefjast sumardaginn fyrsta. 19. apríl á heimasíðunni okkar www.soguheimar.is

Nánari upplýsingar er hægt að fá hjá

Ívar 892 1142

Lui  858 - 7443

soguheimar@gmail.com

 

Síðast uppfært: 
Sunnudagur, 15. apríl 2018 - 9:57