Minecraft - Grunnur og lestur

Hverfi: 
Miðborg og Hlíðar
Félag: 
Efnisflokkur: 
Sköpun, Sumarnámskeið, Tölvur
Tímabil: 
júní 2018, júlí 2018, ágúst 2018

Um námskeiðið

Minecraft er tölvuleikur og sýndarheimur sem gefur sköpunargleðinni og ímyndunaraflinu lausan tauminn. Spilarar geta ýmist spilað einir eða við aðra á netinu, reist mannvirki eða farið í ævintýraferðir en verða alltaf að muna að hafa varann á þegar nóttin nálgast.

Á námskeiðinu verður farið yfir öll helstu atriði er tengjast leiknum. Nemendur læra að nota „texture“ pakka og setja svokölluð „mod” inn í leikinn sem gerir þeim kleift að sækja viðbætur í leikinn og laga hann að eigin ímyndunarafli. Þá verður nýttur sérstakur Skema vefþjónn þar sem þátttakendur geta spilað saman og leyst verkefni. 

Námskeiðið er ætlað jafnt þeim sem eru að stíga sín fyrstu skref í leiknum og þeim sem hafa kynnst leiknum að einhverju ráði. Til þess að taka fullan þátt í námskeiðinu er þó nauðsynlegt að nemendur hafi keypt aðgang að leiknum (minecraft.net) og kunni notendanafn sitt og lykilorð.

Lestur

Á námskeiðinu verður stuðst við skapandi lestrarhefti sem þjálfarar lesa upp úr og/eða nemendur lesa sjálfir. Heftið inniheldur spennandi fróðleik og eflir færni nemenda. Á vefþjóninum eru einnig staðsettar sérhannaðar lestrarvélar sem bjóða nemendum upp á að svara einföldum spurningum úr Minecraft bókunum og fá í staðinn spennandi hluti sem nýtast í leiknum.

Síðast uppfært: 
Föstudagur, 1. júní 2018 - 15:23