Málun og teikning 10-12 ára

Hverfi: 
Garðabær
Efnisflokkur: 
Myndlist
Tímabil: 
janúar 2019, febrúar 2019, mars 2019
Aldur: 
10 ára, 11 ára, 12 ára
Frístundakort: 

Hefst: 24. janúar
Tími: Mið · kl 15:00-16:30
Staðsetning: Garðatorg 7
Lengd: 11 vikur
Kennslustundir: 25 kennslustundir
Aldur: 10-12 ára
Kennari: Dagbjört Drífa Thorlacius

Nemendur á námskeiðinu fá ákveðið viðfangsefni til skoðunar og vinna svo út frá eigin hugmyndum. Nemendur skapa sín eigin verk sem munu koma til með að vera innblásin á einhvern hátt af verkum Stórval. Byrjað verður á að rýna í listamanninn og list hans, nemendur rannsaka og greina, upplifa og tengja. Úrvinnslan hefst svo þegar nemendur byrja að skapa sín eigin verk, út frá eigin greiningu eða rannsókn eða með virkjun síns eigin ímyndunarafls. Viðfangsefni námskeiðsins tengjast þannig hugarheimi nemandans og setja nemendur þannig fram á sjónrænan hátt eigin upplifun eða ímyndun. Skoðuð verða ýmis orð og hugtök í myndlist sem einnig eru tengd listsköpun Stórval. Hugtök eins og: Áferð, náttúruform og litir. Litaflæmi og litaskynjun. Abstrakt, expressjón, fígúratíft og grafíti
Áhersla er lögð á að njóta, skynja og skapa. 

Kveikja námskeiðsins og innblástur er listamaðurinn Stefán Jónsson frá Möðruvöllum eða Stórval eins og hann kaus að kalla sig. Stórval var einstaklega næmur fyrir áhrifum úr umhverfi sínu og nokkuð tilraunakenndur í efnistökum og viðfangsefnum. Hann málaði t.d. gjarnan á það sem hendi var næst og er efnisáferð verka hans því býsna fjölbreytt.

Markmið:
Að vinna út frá kveikju við eigin listsköpun
að tjá á einfaldan hátt eigin hugmyndaheim í myndverki
Að skapa myndverk í ýmsum tilgangi með margvíslegum aðferðum
Að skoða og greina áhrif myndmáls í nærumhverfi okkar
Að spá í mismunandi tilgang myndlistar
Að upplifa valin listaverk og eigin verk
Að fjalla um eigin verk og annarra í lok námskeiðsins

Verð 36.400 kr. 

Hugmyndfræði Klifsins:

Hugmyndafræði Klifsins byggir á eflandi kennslufræði. Við leggjum okkur fram við að virkja sköpunarkraft og ímyndunarafl hvers og eins til að efla trú á eigin getu.

Síðast uppfært: 
Fimmtudagur, 28. desember 2017 - 12:09