Kvíða- og sjálfsstyrkingarnámskeið

Kvíði og sjálfsstyrking
Hverfi: 
Kópavogur
Félag: 
Efnisflokkur: 
Sjálfsstyrkingarnámskeið
Tímabil: 
september 2019, október 2019, nóvember 2019
Aldur: 
13 ára, 14 ára, 15 ára, 16 ára

Kvíða- og sjálfsstyrkingarnámskeið fyrir 13-16 ára kennir unglingum einfaldar og öflugar aðferðir til að takast á við kvíða og áreiti þannig að þeir geti verið besta útgáfan af sér, með sterka sjálfsmynd, lífsglaðir og hamingjusamir. Námskeiðið er byggt á hugrænni atferlismeðferð og aðferðum Hugarfrelsis en þær eru öndun, slökun og hugleiðsla. 

Foreldrar þátttakenda fá fræðslu áður en námskeiðið hefst til að geta stutt hvern og einn meðan á námskeiðinu stendur. Í foreldrafræðslunni verður farið yfir einkenni kvíða, hvernig hann birtist og hvað viðheldur honum hjá unglingum ásamt einföldum aðferðum til að draga úr kvíða og auka vellíðan. Námskeiðið er 11 vikna langt. 

Á námskeiðinu er þátttakendum kennt að:
– Þekkja einkenni/ástæður kvíða og draga úr honum
– Þekkja betur huga sinn
– Efla jákvæða hugsun
– Þekkja styrkleika sína og styrkja sjálfsmyndina
– Setja sér markmið og elta drauma sína
– Bæta einbeitinguna og eiga betri samskipti
– Nota öndun, slökun og hugleiðslu

Námskeiðið er haldið í samstarfi við Paolu Cardenas, sálfræðing og fjölskylduþerapista hjá Barnahúsi. Paola hefur m.a. starfað á barna- og unglingageðdeild Landsspítalans og sem yfirsálfræðingur barna- og unglingateymis hjá Heilbrigðisstofnun Suðurnesja.

Námskeiðið er byggt á hugrænni atferlismeðferð og aðferðum Hugarfrelsis en þær eru sjálfsstyrking, öndun, slökun og hugleiðsla.

Þátttakendur fylla út sjálfsmatskvarða í byrjun og í lok námskeiðs. Sjálfmatskvarðanum er ætlað að skoða ýmsa þætti sem tengjast geðheilbrigði barna og unglinga á aldrinum 7-18 ára. 

11.sept - 20.nóv
Kl. 17:30 - 19:00 (þriðjud.)
Víkurhvarfi 1 (2. hæð), 203 Kópavogur
Kennarar: Paola Cardenas og Unnur Arna Jónsdóttir

Verð: 64.500 kr. – Hægt er að nýta frístundastyrk.

 

Síðast uppfært: 
Föstudagur, 17. ágúst 2018 - 14:49