Byrjendanámskeið fyrir unglinga og fullorðna

Hverfi: 
Laugardalur, Háaleiti og Bústaðir, Miðborg og Hlíðar
Efnisflokkur: 
Íþróttanámskeið, Íþróttir
Tímabil: 
september 2018, október 2018, nóvember 2018, desember 2018
Aldur: 
14 ára, 15 ára, 16 ára, 17 ára, 18 ára, 19 ára og eldri
Frístundakort: 

---)---- Byrjendanámskeið fyrir unglinga og fullorðna ----(---

Ólympískar skylmingar eru íþrótt þar sem keppandinn heldur til leiks með ákveðna leikaðferð í huga en þarf svo sífellt að endurskipuleggja leik sinn með tilliti til viðbragða andstæðingsins og leikstíls hans.

Skylmingamaður þarf að hafa góða stjórn á líkamanum, gott jafnvægi og mikla samhæfingu. Einnig þarf hann að geta hugsað hratt undir miklu álagi. Skylmingar munu styrkja þig líkamlega jafnt sem andlega. Þær veita snerpu sem og jafnvægi sem aldrei fyrr.

Æfingarnar eru haldnar í nýrri og glæsilegri aðstöðu Skylmingafélags Reykjavíkur í Baldurshaga, í Laugardal. Skylmingamiðstöðin (Baldurshagi) er undir aðalstúkunni við Laugardalsvöllinn og inngangurinn er í norðurenda hennar.

Miðvikudaginn 29. ágúst kl. 18:00 verður opið hús og vetrarstarfið kynnt.  Við hvetjum alla til að mæta á kynningarfundinn.

Fyrsta æfingin verður fimmtudaginn 6. september!

Byrjendur / Framhald 14+

Haustönnin er frá 6. september og fram til 20. desember og kostar 30.000 kr. (æfingagjald: 28.000 kr. + félagsgjald : 2.000 kr.)

Hægt er að fá lánaðan allan búnað frá Skylmingafélaginu til að byrja með.

Systkinaafsláttur (hjónaafsláttur) er kr. 2.000,- á mann. Félagsgjald fer til kaupa á skylmingaútbúnaði, sérstaklega fyrir unga skylmingamenn og standa straum af kostnaði við mót.

Skylmingafélag Reykjavíkur er aðili að Frístundakorti Reykjavíkurborgar.

Þeir sem hafa áhuga á að taka þátt í námskeiðinu, vinsamlega sendið svar með nafni og kennitölu á: skylmingafelag@gmail.com

Þriðjudagur og fimmtudagur:

18:00 – 19:30              Byrjendur / Framhald 14+

Síðast uppfært: 
Mánudagur, 27. ágúst 2018 - 10:27